Danshljóðfæri og draumahús náttúruunnanda | Sýning

Tryggvi Hansen sýnir

Borgarbókasafnið | Menningarhús Árbæ
24. september - 20. nóvember

Á sýningunni í Árbænum eru málverk eftir Tryggva og hljóðfæri sem hann hefur smíðað.  

Þriðjudaginn 2. október kl. 17 ætlar Tryggvi að spjalla við gesti um sýninguna og hugmyndir sínar.

Tryggvi Gunnar Hansen er fæddur á Akureyri 1956. Hann stundaði nám í myndlist í Myndlista- og Handíðaskólanum á árunum 1978 til 1984. Einnig hefur hann lært heimspeki, þjóðfræði, sálfræði, ásamt torfhleðslu og byggingarlist. Sveinn Einarsson frá Hrjóti og Stefán í Brennigerði kenndu Tryggva listina að hlaða úr torfi og grjóti en þá iðju stundaði hann um 20 ára skeið. 

Undanfarin ár hefur Tryggi helgað sig rannsóknum á þjóðfræði og má raunar segja að listsköpun hans snúist að miklu leyti um þau fræði. Um aldamótin ferðaðist Tryggvi til Evrópu, mest norður- og austurhlutann og kannaði þjóðlönd og fornann menningararf. Hann telur að með því að bera saman þjóðmenningu frá ýmsum tímabilum og landssvæðum getum við fengið betri sýn á fortíðina og einfaldara sé byggja upp betra þjóðfélag. Í Evrópu var ríkjandi náttúrumenning líkt og meðal Indíána í Ameríku en hún hvarf þegar þjóðríkið tók við en það var stofnað af herforingjum. Tryggvi vill að mannkynið hverfi aftur til fyrra skipulags þar sem allir höfðu aðgang að valdinu og vopn voru óþörf. Hann vitnar m.a. í rannsóknir Mariu Gimbutas við Svartahaf þar sem fundist hafa minjar um byggð þar sem menning var á háu stigi en engin vopn. 

Tryggvi sér fyrir sér samfélag í sátt við náttúruna án stéttskiptingar og misskiptingar valds. Listaverkin á sýningunni tengjast þeirri hugsjón en á myndunum má m.a. sjá híbýli sem falla vel að náttúrunni og hljóðfæri sem hann smíðar sjálfur með eldri hljóðfæri úr Evrópu sem fyrirmynd.

Nánari upplýsingar:
Katrín Guðmundsdóttir, katrin.gudmundsdottir [at] reykjavik.is

Dagsetning viðburðar: 

Þriðjudagur, 20. nóvember 2018

Staðsetning viðburðar: 

Viðburður hefst: 

10:00

Viðburður endar: 

19:00