Oddhvassir blýantar | Skopmyndasýning

Oddhvassir blýantar - Alþjóðleg skopmyndasýning

Alþjóðleg skopmyndasýning um kvenréttindi og málfrelsi

Borgarbókasafnið | Menningarhús Gerðubergi
13. desember 2018 - 20. janúar 2019

Verið velkomin á opnun sýningarinnar kl. 17, í boði Kvenréttindafélags Íslands og sendiherra Frakklands á Íslandi.
Léttar veitingar í boði og öll velkomin.

Sýningin Oddhvassir blýantar var gerð í kjölfar #MeToo byltingarinnar af frönsku samtökunum Le Crayon sem upphaflega voru stofnuð til að vernda og myndlýsa málfrelsi, í samstarfi við France-Cartoons – samtök franskra skopmyndateiknara og alþjóðlegu teiknimyndahátíðina L’Estaque. 

Höfundar skopmyndanna eru teiknarar sem starfa út um allan heim, sumir hverjir í löndum þar sem list þeirra leggur frelsi þeirra að veði. Í Gerðubergi má finna myndir frá listamönnum frá Bandaríkjunum, Bangladess, Barein, Belgíu, Bretlandi, Búrkína Fasó, Egyptalandi, Frakklandi, Gabon, Hollandi, Indlandi, Íran, Ísrael, Kanada, Kína, Kólumbíu, Kúbu, Mexíkó, Níkaragva, Sviss, Sýrlandi, Tyrklandi og Úsbekistan.

Á sýningunni velta skopmyndahöfundar fyrir sér stöðu kvenna, kvenréttindum og #MeToo, hver með sínum hætti. Myndirnar á sýningunni eru allt í senn bráðfyndnar, fallegar, skelfilegar, óborganlegar og hræðilegar. Myndirnar eru vitnisburður um að penninn er máttugri en sverðið.

Að sýningunni standa Kvenréttindafélags Íslands og franska sendiráðið. Sýningin er opin virka daga frá kl. 9-18 og um helgar frá kl. 13-16. Ókeypis aðgangur. 

Nánari upplýsingar veita:

Sunna Gunnars Marteinsdóttir
stjórnarkona Kvenréttindafélags Íslands,
sunnagm [at] gmail.com
698-1984

Guðrún Dís Jónatansdóttir, deildarstjóri fræðslu og miðlunar hjá Borgarbókasafninu
gudrun.dis.jontansdottir [at] reykjavik.is
411 6115

Dagsetning viðburðar: 

Fimmtudagur, 13. desember 2018

Staðsetning viðburðar: 

Viðburður hefst: 

17:00

Viðburður endar: 

18:00