Söguhringur kvenna | Leiklist og spuni

Borgarbókasafnið | Menningarhús Gerðubergi
Laugardagur 1. desember kl. 13.00-16.00
Leiklistar- og spunasmiðja „Live mapping“

Hvað upplifi ég í þessu umhverfi? Hvernig er að vera ég, hér á þessum stað?
Í leiklistarvinnustofum Söguhrings kvenna verður að þessu sinni unnið að því að dýpka skilning á eigin upplifun í umhverfinu. Vinnustofurnar eru upplifunar- og tilraunastofur þar sem unnið er með skynjun í gegnum hreyfingu, leiklist og myndlist. Smiðjan fer fram á íslensku og ensku.
Helga Arnalds og Aude Busson leiða fjórar sjálfstæðar vinnustofur sem móta saman eina heild en þó verður hver og ein með sérstæðan fókus. Þó er ekki nauðsynlegt að þátttakendur mæti í allar smiðjurnar. Vinnustofurnar eru byggðar á leikrænum- og skapandi æfingum en auk þeirra verður farið í vettvangsferðir.

Að rata
að finna staði
að finna sér stað
að finna sig

Til eru margskonar kort – veðurkort, strætókort, tilfinningakort, vísakort, skynjunarkort, tungumálakort, ljósakort, ímynduðkort, borgarkort, sundkort og svo auðvitað landakort.
Þegar maður kemur í nýtt land geta kortin snúist á hvolf, hætt að virka eða jafnvel fokið út í vindinn. Á námskeiðinu söfnum við saman litlum vísbendingum, blásum á þær með ímyndunarafli okkar og spinnum nýjan þráð sem gefur okkur nýjar leiðir og merkingu með hreyfingu, tjáningu og nýjum heimatilbúnum kortum.
Við vinnum með mismunandi aðferðir og reglur til að fá dýpri skilning á eigin upplifun í umhverfinu. Í hverri vinnustofu munu þátttakendur skrásetja upplifun sína, hvort sem það verður með ljósmyndum, textum eða teikningum.
Söguhringur kvenna er samvinnuverkefni Borgarbókasafns Reykjavíkur og W.O.M.E.N., Samtaka kvenna af erlendum uppruna á Íslandi. Dagskrá haustsins 2018 er styrkt af velferðarráðuneytinu.

Sjá dagskrá Söguhrings kvenna haustið 2018 hér.

Starfið er hluti af innleiðingu stefnu menningar- og ferðamálasviðs Reykjavíkurborgar um fjölbreytta menningu í borginni 2017-2020 „Rætur og vængir”

 

Dagsetning viðburðar: 

Laugardagur, 1. desember 2018

Staðsetning viðburðar: 

Viðburður hefst: 

13:00

Viðburður endar: 

16:00