Myndasögusamkeppni

Frá því árið 2009 hafa Borgarbókasafn og Myndlistaskólinn í Reykjavík, í samstarfi við Nexus, staðið fyrir myndasögusamkeppni og -sýningu fyrir ungt fólk. Samkeppnin fer fram í apríl og er sýning á verkunum sett upp í maí.

Þema keppninnar árið 2018 er KYNJAVERUR.

Keppnin er ætluð fólki á aldrinum 10-20 ára. Sögunum má skila á Borgarbókasafnið í Grófinni, merktum „KYNJAVERUR“. Hámarkslengd er tvö A4 blöð eða eitt A3 blað en annars er aðferðin frjáls.

Síðasti skiladagur myndasagna er mánudagurinn 30. apríl næstkomandi. Úrslit verða tilkynnt og verðlaun afhent laugardaginn 5. maí, ókeypismyndasögudaginn, og um leið opnar sýning á þeim sögum sem berast í keppnina í Borgarbókasafninu í Grófinni, sjá viðburðaskráningu hér á vefnum. Verðlaunin veita Myndlistarskólinn í Reykjavík og Nexus.

Nánari upplýsingar veitir Ninna Margrét Þórarinsdóttir, verkefnastjóri miðlunar og sýningarhalds, ninna.margret.thorarinsdottir@reykjavik.is.