Guðrún frá Lundi | Sýning 20.1.-4.3.

Guðrún frá Lundi Borgarbókasafnið Grófinni

Kona á skjön | Um ævi og störf Guðrúnar frá Lundi

Borgarbókasafnið | Menningarhús Grófinni
20. janúar - 4. mars 2018

Rithöfundarferill Guðrúnar frá Lundi er sannkallað ævintýri í íslenskri bókmenntasögu. Óþekkt kona norðan úr Skagafirði verður metsöluhöfundur nánast á einni nóttu og bækurnar  tróna á toppi vinsældarlista í rúma tvo áratugi. Hún er orðin 59 ára þegar fyrsta skáldsagan kemur út, eftir það skrifar hún 27 bækur í 11 skáldverkum.

Þetta gerðist í heimi fjölda hindrana fyrir alþýðukonu sem þráði að skrifa skáldsögur. Bústörf og barnauppeldi stóðu í veginum og ritvöllurinn var að mestu karlanna. Hún var dáð af stórum hluta þjóðarinnar en raddsterkir áhrifamenn flokkuðu verk hennar með erlendum afþreyingarbókmenntum og reyfararusli.

Á sýningunni verða textaspjöld þar sem gestir geta fræðst um líf og störf Guðrúnar, einnig munu persónulegir munir Guðrúnar prýða sýninguna, s.s. svunta og blússa við peysuföt, brjóstnæla, sauðskinnsskór, biblía og bréf m.a. til útgefanda.

Sýningarhöfundar eru Kristín Sigurrós Einarsdóttir, leiðsögumaður og kennari, og Marín Guðrún Hrafnsdóttir bókmenntafræðingur og langömmubarn Guðrúnar. 

Nánari upplýsingar veitir:
Droplaug Benediktsdóttir
Netfang: droplaug.benediktsdottir [at] reykjavik.is
Sími: 411 6124

Marín Guðrún Hrafnsdóttir
Netfang: marin.gudrun.hrafnsdottir [at] gmail.com

Dagsetning viðburðar: 

Laugardagur, 20. janúar 2018

Staðsetning viðburðar: 

Viðburður hefst: 

14:00

Viðburður endar: 

16:00