Bókakaffi | Tvísaga Ásdísar Höllu

Ásdís Halla Bragadóttir, Tvísaga, Bókakaffi í Gerðubergi, Borgarbókasafnið Menningarhús

Bókakaffi | Tvísaga Ásdísar Höllu

Menningarhús Gerðubergi, miðvikudag 27. sept kl. 20 - 22

Á Bókakaffi í september les  Ásdís Halla Bragadóttir úr og segir frá tilurð bókarinnar Tvísaga, móðir, dóttir og feður, sem hún sendi frá sér í fyrra. Bókin vakti mikla athygli, en þar segir Ásdís Halla frá ævi sinni og æsku, frá átakanlegri ævi móður sinnar og leit sinni að faðerni sínu af einlægni og hipsursleysi.

„Eitt er að hlusta og reyna að skilja og þekkja for­eldra sína og fjöl­skyld­una. Að hlusta og fá mömmu til að segja frá var eitt, en þegar ég sat ein með sjálfri mér og skrifaði um hana og fór inn í sög­una henn­ar, það var annað. Að ýta sjálfri mér til hliðar sem dótt­ur og setja mig eins vel og ég gat í spor mömmu gekk nærri mér,“ sagði Ásdís Halla í viðtali við Morgunblaðið á síðasta ári. Ásdís Halla spjallar við Guðrúnu Baldvinsdóttur, bókmenntagagnrýnanda og deildarbókavörð í Gerðubergi á Bókakaffi.

Bókakaffi í Gerðubergi er hluti kaffikvölda í Gerðubergi og haldið mánaðarlega yfir vetrarmánuðina, fjórða miðvikudagskvöld í mánuði. Það er vinsæll liður í viðburðadagskrá Borgarbókasafnsins. Önnur Bókakaffikvöld á haustmisseri 2017 má kynna sér hér, en ævisagan er í brennidepli í haustdagskránni.

Nánari upplýsingar veitir:

Sunna Dís Másdóttir, verkefnastjóri, sunna.dis.masdottir [at] reykjavik.is  s. 411 6109 og 699 3936

Dagsetning viðburðar: 

Miðvikudagur, 27. september 2017

Staðsetning viðburðar: 

Viðburður hefst: 

20:00

Viðburður endar: 

22:00